سفیر الحب

أُغنیّة ما أگدر أنساک

یل گلبی یهواک ، ما  أگدر أنساک

لا تبخل إبهای ، خل گلبی  ویّاک

...

لا    لا   تجافی ، لا   تحچی   کافی

أحس حبّک إدوای ، و أنت إلمشافی

داوینی    محتار  ، دلّالی   شب نار

و إبحبّک   أنهار، أذّانی     طرواک

یل گلبی یهواک ، ما  أگدر  أنساک

لا تبخل إبهای ، خل  گلبی   ویّاک

...

أشوفک تمنّیت ، یا شمعه بإلبیت

من تگعد إحذای ، إبدارک تهنّیت

ممنوعه    زوّار   ،  غنّیلی  بطوار

لتبث بإلأخبار ، ضم  سرّک أنخاک

یل گلبی یهواک ، ما أگدر أنساک

لا تبخل إبهای ، خل گلبی  ویّاک

...

وینه   إلهوا   إلهاب ، وصّل   سلامی

خذ  منّی  مرسال ، و  إثبت   غرامی

گلّه   أهم   بیه  ، و   إبگلبی   أخلّیه

أشلون أنسه  طرواه ، إبیومه  واساک

یل گلبی   یهواک ، ما   أگدر أنساک

لا تبخل إبهای ، خل   گلبی    ویّاک

...

یل ساکن   إبعید ،   رد  لی  جوابک

طمّنّی   بإلحال ، و   أسمع   خطابک

تدرینی   مجروح  ،  فرّحلی   إلروح

خل ذکرک إیفوح ، شافی إلّی شافاک

یل گلبی   یهواک ، ما   أگدر أنساک

لا تبخل   إبهای ، خل   گلبی  ویّاک

...

جاسم ثعلبی ألحسّانی 04/03/1401